Яшчэ дадам некалькі фотаздымкаў пра першы баранавіцкі помнік. 
Нагадаем, што ён быў усталяваны 19 красавіка 1920 года ў гадавіну здабычы горада польскімі атрадамі генэрала Шаптыцкага. Называўся ён адразу Помнік незалежнасьці і знаходзіўся каля праваслаўных могілак на рагу вуліц Міцкевіча (цяпер Леніна) і Шаптыцкага (цяпер Савецкая).
Абэліск славутаму земляку-паэту быў усталяваны ў 1927 годзе ў Завосьсі з ініцыятывы братоў Залеўскіх (настаўнікаў са Снова). Іх ідэю зрэалізавалі польскія вайсковыя часткі з Баранавічаў.
Помнік Адаму Міцкевічу ў Завосьсі, 1935 год. Паходзіць з allegro.pl
Помнік з фальваркам, здымак пасьля 1955 года.
Месьціўся помнік каля пад’езду да фальварка Міцкевічаў. Абэліск быў аточаны слупкамі з ланцугом. На помніку быў барэльеф Міцкевіча і подпіс па польску “Тут ў Завосьсі 24 сьнежня 1798 году нарадзіўся вялікі паэт Адам Міцкевіч“.
Перад абэліскам паклалі камень , які паходзіў з аўтэнтычнага падмурку маёнтка, што быў зьнішчаны пад час Першай сусьветнай вайны. На тым каменьні была выкавана дата 24 ХІІ 1798.
Здымак з баранавіцкай газэты “Чырвоная звязда”, 16.11.1955
Пад час Другой сусьветнай вайны помнік быў зьнішчаны, а ў 1955 годзе (да 100-годзьдзя сьмерці паэта) разам з маёнткам адноўлены.
Савецкая капэрта 1961 года з выявай абэліска.
Аднак на сёняшні дзень пабачыць той помнік немагчыма. Па зьвестках польскіх крыніц, падчас рэканструкцыі сядзібы ў 1998 годзе абэліск вывернулі й закапалі. Камень жа пераклалі пры ўезьдзе ў фальварак.
Помнік невядомаму жаўнеру, паштоўка міжваеннай Польчы
Першы помнік ў Баранавічах быў усталяваны 19 красавіка 1920 года ў гадавіну здабычы горада польскімі атрадамі генэрала Шаптыцкага. Называўся ён адразу Помнік незалежнасьці і знаходзіўся каля праваслаўных могілак на рагу вуліц Міцкевіча (цяпер Леніна) і Шаптыцкага (цяпер Савецкая).
Скрыжаваньне вул. Міцкевіча і Шаптыцкага ў даваенных Баранавічах. На рагу могілак відаць помнік Невядомаму жаўнеру.
Аднак праз пяць гадоў просты помнік быў ператвораны ў Помнік-магілу Невядомага жаўнера. Парэшткі невядомага жаўнера (якога вызначылі лёсаваньнем) былі выкапаны на вайсковых могілках 9 Дывізыёну артылерыі коннай у вайсковым гарадку. Жаўнера ўрачыста перапахавалі 28 чэрвеня 1925 года каля помніка. У сьвяточных мерапрыемтввах прымалі ўдзел улады гораду, войскоўцы, духавенства і простыя жыхары.
Урачыстае перапахаваньне невядомага жаўнера ў Баранавічах. Здымак з NAC (польскага нацыянальнага архіву цыфровага ).
Баранавіцкі Помнік невядомаму жаўнеру быў другім, пасьля Варшаўскага, які заснавалі ў даваеннай Польчы.
Помнік Невядомаму жаўнеру, даваенная паштоўка.
Першапачатковы выгляд Помніка незалежнасьці ў Баранавічах, даваенная паштоўка.
Каля помніка адбываліся прады і сьвяты горады, пад час якіх гарэў вечны агонь.
Пасьля далучэньня Баранавічаў да БССР у верасьні 1939 года помнік быў зьнішчаны. Па вайне нейкі час на яго месцы стаяў Помнік Сталіну.
Што сталася з магілаю жаўнера – невядома. Магчыма ён і цяпер спачывае пад клюмбаю насупраць цяперашняга гатэлю “Горізонт”. Як зрэшты і сотні іншых магілаў старых праваслаўных могілак, што знаходзяцца пад Плошчай Леніна і сквэрам каля фантану.
Мала хто веде, але акрамя помніка Сталіну (што стаяў на цяперашняй плошчы Леніна, і пазіраў ў бок вуліцы Камсамольскай), былі і іншыя помнікі бальшавіцкім важдям унашым горадзе.
Пра помнік Сталіну і Леніну, што сядзяць на лавацы, амаль ня згадваюць сёньня. Даводзілася чуць нават, што ня было такога помніку ў нашым горадзе. Але ня так даўно патрапіліся вось такія фоткі.
Таксама прачытаў пра гэта ва ўспамінах полькі, якая вярнулася з высылкі ў 50-я: “Baranowicze jakieś ciche, grzeczne, nie ma tego ruchu i zgiełku, jaki był tu kiedyś. Ale jest coś nowego! Stoi pomnik – siedzą obok siebie Stalin i Lenin. Postacie nadnaturalnej wielkości, z białego gipsu……” (Баранавічы якіясь ціхія, далікатныя, няма таго руху і шуму, які быў тут некалі. Але ёсьць нешта новае! Стаіць помнік – сядзяць адзін каля аднаго Сталін і Ленін. Постаці наднатуральнай велічыні, зь белага гіпсу…“) Janina Zdasień
Дык вось на маю думку – помнік стаяў у Старым парку, ці ў нейкім сквэры. Можа хто згадае пра той посмнік нешта? Цікава было б даведацца – калі яго паставілі і калі прыбралі?
А ў раёне цяперашняга Скверу Памяці, дарэчы стаяў бэтонны ці гіпсавы Ільіч зь дзецьмі.
Баранавічы ўчора і сёньня 