Яшчэ дадам некалькі фотаздымкаў пра першы баранавіцкі помнік. 
Нагадаем, што ён быў усталяваны 19 красавіка 1920 года ў гадавіну здабычы горада польскімі атрадамі генэрала Шаптыцкага. Называўся ён адразу Помнік незалежнасьці і знаходзіўся каля праваслаўных могілак на рагу вуліц Міцкевіча (цяпер Леніна) і Шаптыцкага (цяпер Савецкая).
На даваенным фота мы й цяпер можам пабачць тагачасных дзетак, цяперашніх бабуль й дзядуль. У шмат каго – маленькія торбачкі са сьвяточнымі цукеркамі. Цяжка паверыць, але праз пару год ( у 1939 годзе па прыходу савецкай улады), большасьць дзяцей будзе выслана ў высылку за Ўрал з бацькамі, як антысавецкі й кантрэвалюцыйны элемент.
Гэтае фота для нас яшчэ адзін напамін пра тое, як хуткацечны час. Гэта адзін з прыкладаў, што трэба быць больш цярпімымі адзін да аднаго.
Баранавічы ўчора і сёньня 